كم بتكلّف عملية الدوالي بلبنان؟

ليش ما حدا بيقدر يعطيك سعر عالتلفون

لأنّ السعر بيتبع التقنية، والتقنية بتتبع الفحص. ساقين شكلهن من برّا متل بعض، وحدة ممكن تخلص بجلسة حقن، والتانية بدها إقفال جذع بالليزر وبعدها جلستين للسطح. أي رقم بينحكى قبل الدوبلكس هوّي تخمين لابس شكل تسعيرة.

شو بتشمل المعاينة

فحص الدوبلكس للساق، شرح شو بيبيّن، التقنية المقترحة، عدد الجلسات المتوقّع، المخاطر، وتسعيرة واضحة. بتطلع وإنت عارف شو المقترح وقدّيش بيكلّف، وبدون التزام.

كلفة إنّك ما تعمل شي

قصور الأوردة ما بيوقف لحالو. الساق يلي بتنعالج بدري عادةً بدها جلسات أقلّ من ساق انتركت عشر سنين، وبتضلّ خيارات أكتر مفتوحة. اللون البنّي فوق الكاحل، يلي كتير ناس بتحسبو من العمر، هوّي علامة متأخّرة مش مبكّرة.

إذا جايي من برّا لبنان

ابعت أول شي صور للساقين ووصف للأعراض عالواتساب. بهيك بتعرف الخطة المتوقّعة وكم يوم بدها قبل ما تحجز سفر، وفحص الدوبلكس عند الوصول بيأكّد أو بيعدّل.

كل علاج إلو مخاطر بتنشرح بالمعاينة. هالصفحة معلومات عامة وما بتغني عن معاينة طبية.